ესპანეთის სუპერ თასი – ექსკლუზიურად setantasports.com-ზე იქნება. ბარსელონა, მადრიდის რეალი, ატლეტიკო და ოსასუნა 2024 წლის პირველი ტიტულის მოგებას შეეცდებიან.
10, 11 და 14 იანვარს Setanta Sports-ის პლატფორმის მაყურებელს ესპანეთის სუპერ თასის ორ ნახევარფინალსა და ფინალს ნახავს.
მადრიდის რეალი ატლეტიკოს, ხოლო ბარსელონა ოსასუნას დაუპირისპირდება. ფავორიტების გამარჯვების შემთხვევაში კი გრანდ ფინალში ელ კლასიკოს ვიხილავთ.
რატომ ტარდება სუპერ თასი საუდის არაბეთში
ესპანეთის სუპერ თასი 2029 წლამდე საუდის არაბეთში ჩატარდება. 2019 წელს მიღწეული, და შემდეგ გახანგრძლივებული, შეთანხმების საფუძველზე ესპანეთის ფეხბურთის სამეფო ფედერაცია საუდის არაბეთისგან ნახევარ მილიარდ ევროზე მეტს იღებს.
ყველა მატჩი ერთსა და იმავე, ალ ავვალ სტადიონზე იმართება. 25 000-იანი ტევადობის მქონე საუდური სტადიონი კრიშტიანუ რონალდუს ალ ნასრის საკუთრებაა.
მეფე საუდის უნივერსიტეტის კამპუსის ტერიტორიაზე მდებარე სტადიონს 2019 და 2021 წლებში იტალიის სუპერ თასისა და მარადონას თასის მატჩებისთვისაც უმასპინძლია.
ესპანეთის სუპერ თასი 2024 კალენდარი
ნახევარფინალები თითო მატჩისგან შედგება. ძირითადი დროის ფრედ დასრულების შემთხვევაში ჯერ ექსტრა ტაიმები, შემდეგ კი პენალტების სერია დაინიშნება.
| მადრიდის რეალი | vs | ატლეტიკო | 10 იანვარი, 23:00 |
| ბარსელონა | vs | ოსასუნა | 11 იანვარი, 23:00 |
| TBD | Final | TBD | 14 იანვარი, 23:00 |
სად ვუყურო ესპანეთის სუპერ თასს
ესპანეთის სუპერ თასის სამივე მატჩი setantasports.com-ის პირდაპირ ეთერში იქნება. რეალი vs ატლეტიკო, ბარსელონა vs ოსასუნა და ფინალი ექსკლუზიურად setantasports.com-ის პლატფორმაზე იქნება.
ესპანეთის სუპერ თასი – ისტორია
სუპერ კოპა ესპანია ოფიციალურად 1982 წლიდან ტარდება. თუმცა თასისა და ჩემპიონატის გამარჯვებულებს შორის ესპანეთში მატჩები 1940 წლიდან იმართება.
ოფიციალურად ტიტულების ათვლა 1982 წლიდან ხდება. ლა ლიგის გამარჯვებული ბარსელონა ამ ჯილდოს ყველაზე მეტჯერ 14-ჯერ ფლობდა.
ისტორიაში ესპანეთის სუპერ თასისთვის სულ 12 კლუბს უბრძოლია. ბარსელონასა და რეალის დომინაციის ნაკლებობას ესპანური ფეხბურთი არც კონკრეტულად სუპერ კოპაზე განიცდის.
| კლუბი | გამარჯვება | მარცხი ფინალში |
| ბარსელონა | 14 | 11 |
| მადრიდის რეალი | 11 | 6 |
| ბილბაოს ატლეტიკი | 3 | 3 |
| დეპორტივო | 3 | 0 |
| მადრიდის ატლეტიკო | 2 | 5 |
| ვალენსია | 1 | 3 |
| სევილია | 1 | 3 |
| სარაგოსა | 1 | 2 |
| მალიორკა | 1 | 1 |
| რეალ სოსიედადი | 1 | 0 |
| ესპანიოლი | 0 | 2 |
| ბეტისი | 0 | 1 |
ესპანეთის სუპერ თასი – ბომბარდირები
| ფეხბურთელი | კლუბი | გოლები | მატჩები |
| ლიონელ მესი | ბარსელონა | 14 | 20 |
| რაული | რეალი | 7 | 12 |
| ქარიმ ბენზემა | რეალი | 7 | 13 |
| ჰრისტო სტოიჩკოვი | ბარსელონა | 6 | 10 |
| ჩიკი ბეგირისტაინი | სოსიედადი, ბარსელონა, დეპორტივო | 6 | 12 |
| ფრედერიკ კანუტე | სევილია | 5 | 2 |
| არიც ადურისი | ბილბაო | 4 | 2 |
| კრიშტიანუ რონალდუ | რეალი | 4 | 7 |
| ხოსე მარი ბაკერო | სოსიედადი, ბარსელონა | 4 | 11 |
| ჩავი ერნანდესი | ბარსელონა | 4 | 14 |
